荔園

明報訪問邱德根, 提到97年3 月荔園結業, 他仍然心痛如絞。
我也是啊~~ 真係好掛住荔園。
偶然會想, 如果荔園今天還在, 我一定帶經常帶仔仔去玩, 然後每次不厭其煩地向他說：媽媽在這裏由小玩到大啊。

今天才知道原來那隻異香撲鼻的「鎮園之寶」大象, 名叫「天奴」, 我都曾餵牠好多隻香蕉了。
小時候家人帶去, 到五六年級開始相約三幾個同學仔一起乘巴士去, 下車走一段路, 好方便。
我就在那裏的遊戲機中心玩彈珠機時扭傷了大姆指。
是這樣的：人家玩彈珠機是拉下槓桿, 把彈珠彈出, 我第一次玩, 用大姆指用力按下去, 彈珠當然無法彈出, 還是死命的按按按, 然後, 噼的一聲, 啊咮~~痛啊~~
之後看了幾次跌打, 也不能根治了, 所以打排球無法托球, 拍籃球的手勢也是鈍鈍的。
機動遊戲都重覆玩了好多次, 其中一款比較深刻, 像洗衣機的轉盤, 可以坐四個人, 在裏面攪呀攪的, 玩了幾次之後, 我發現了竅門, 就是背倒後坐, 攪的時候腳先向上, 就不會攪得那麼辛苦啦。
玩到中學還未厭, 因為有滾軸溜冰場, 男男女女, 好年華。

原來邱德根曾向政府提出重建荔園, 計劃一直石沉大海, 但最近聽聞政府預留東涌土地發展主題公園, 八十幾歲的他好夢重燃。

好呀, 搞啦。迪士尼, 海洋公園以外, 多一個選擇。
不過, 最好只供本地居民入場, 不然, 只會多一個迫爆公園。