畢菲德.童子尿

不是偷聽, 是她們真的很大聲。

……
「我好少抽一手, 無次中……仔, 飲啖水。」A太把水樽塞到小孩口中。
「唔係喎, 佢咪一手中囉, 次次升添。」B太指著C太。
C太抱著小孩加入，咀角眯眯笑。「哎吔, 我仲嬲緊我老公, 咁快放。」
「邊隻呀？升到巴巴聲嗰隻？」
「咪隻8xx囉, 我仲嬲緊佢呀。」
「幾時放架, 果次跟畢菲德一齊放嗎？」
「前日放既, 幾日就升幾蚊呀。」
「唉, 遲d入番, 咪當賺少d囉。」
兩個小孩有時走過來盯著我, 逗我玩。
「衣家買賣打個電話就得, 咁方便。」
「我唔係呀, 用電腦仲快。」
「電腦？咪即係打電話上去個電腦留言嘛, 講低個冧巴就得, 我都係。」
B太剛想搭咀, 忽然大叫：「哎吔, 你地兩個搞乜走去玩泥！」
三個阿太由我左邊走到右邊, 兩個小孩不知何時已蹲在長椅後面的花槽中。
「下？你衣家急尿？就喺度啦。」
說時遲那時快, 傳來一陣撒水聲, 兩條小水柱在旁邊兩個身位的距離外出現，射向樹叢。
「嘩！」那邊傳來一把男聲，「同人講聲嘛！」男人彈起, 和太太推著嬰兒車邊走邊沉吟。
小孩尿還未停, 那邊A太好像還有點不明所以：「d風吹果邊咩？噢…唔好意思唔好意思。」
男人離開後, 這邊B太才憤憤不平：「細路既野, 急起黎, 好難講嘛。」
C太附和：「係囉, 童子尿, 怕什麼。」
替孩子穿好褲, 三位阿太又傾個不亦樂乎。
「哎吔, 你地兩個仲走入去玩！」
兩個小孩正在剛才撒尿的地方玩個不亦樂乎。

我彈開, 叫喚遊樂場的孩子。是時候回家撒童子尿。